Бөек Ватан сугышы ветераннарын данлап

Әлеге акциягә кушылучылар бихисап иде, анда район халкы да, кайткан кунаклар да бик теләп кушылды. Бу көнне олысы-кечесе – барысы да бердәм булып "Үлемсез полк" сафында атлап, Ватаныбыз яугирләрен данладылар. Муниципаль район хакимияте җитәкчелеге, сугыш чоры балалары, махсус хәрби операция яугирләре, мәктәп укучылары, хезмәт коллективлары, җитәкчеләр һәм башкалар кулларына яу кырында каһарманлык кылган бабаларының фотосурәтләрен күтәреп үттеләр. “Үлемсез полк” район мәдәният йорты яныннан кузгалып, Җиңү паркына кадәр барды.