Төрле тематик мәйданчыклар, күргәзмәләр оештырылды

Балалар иҗат үзәге, Балалар һәм яшүсмерләр спорт мәктәбе, Балалар сәнгать мәктәбе, район үзәк һәм балалар модельле китапханәләре хезмәткәрләре бәйрәмгә килүчеләрне төрле патриотик, спорт, әдәби мәйданчыкларда каршы алды. Педагоглар кечкенә райондашларыбызны аквагрим белән сөендерде, алар шулай ук бик теләп Җиңү көнен чагылдырып, 9 май темасына рәсемнәр төшерде. Һәрелдагыча биредә “Кыр кухнясы” акциясе үткәрелде. Традиция буенча райондашларыбыз кыр кухнясында пешерелгән тәмле карабодай боткасыннан авыз иттеләр, кайнар чәй эчтеләр. Ботка, чынлап, та бик тәмле булды. Халыкка уңайлы булсын өчен өстәл һәм утыргычлар да куелган иде. Бу хакта тулырак – гәзитнең киләсе санында.