Туган ягым – Чакмагышым

Чара Чакмагыш районы оешуга 95 ел тулу уңаеннан үткәрелде. Чарада катнашучылар район тарихы һәм мәдәнияте, аны данлаган күренекле кешеләр, якташлары, Бөек Ватан сугышында катнашучылар, шул исәптән авылдашлары, махсус хәрби операция яугирләре турында күп кызыклы мәгълүматлар белделәр. "Син туган ягыңны беләсеңме?" дип аталган викторинада да һәммәсе дә бик теләп катнашты. Анда район һәм авыл турында белемнәрне күрсәттеләр, район турында танылган авторлар әдәбияты белән таныштылар. Чара тема буенча җырлар һәм шигырьләр белән үрелеп барды.