Күп балалы гаиләләр катнашлыгында

Анда актив, иҗади һәм китап сөюче Вәлиуллиннар, Сабитовлар, Ситдиковлар, Галимхановлар һәм Мөҗиповлар гаиләләре катнашты. Алар яңа бәйрәмнең барлыкка килү тарихы белән танышты, гаилә белән китап уку, гаилә кыйммәтләре турында әңгәмәләште һәм мавыктыргыч уен-конкурсларла катнашып, үзләренең белемнәрен, зирәклекләрен һәм эрудицияләрен күрсәттеләр. Чара барышында анда катнашучылар тагын бер бәйрәм – "Тормыш өчен рәхмәт!" Бөтенрусия рәхмәт бәйрәме турында белделәр. Балалар бәйрәм уңаеннан үз куллары белән матур һәм күңелгә үтеп керерлек открыткалар ясап, әти-әниләренә чиксез мәхәббәт, кайгыртучанлык, наз, сабырлык өчен рәхмәт белдерделәр. Чарада катнашучыларга Рәхмәт хатлары, символик яңа ел бүләкләре һәм татлы күчтәнәчләр тапшырылды.