Ватанны саклаучыларны онытмыйбыз

Чарада муниципаль район хакимияте башлыгы Реканс Фәнил улы Ямалеев, аның социаль мәсьәләләр буенча урынбасары Светлана Фларис кызы Шакирова, район хәрби комиссары Марсель Марс улы Рәфыйков, район ветеранннар советы рәисе Идгар Габдрахман улы Еникеев, оешма-учреждениеләр җитәкчеләре һәм яшьармиячеләр катнашты. Тантанага килүчеләр хәрби антларына тугры калып, ил азатлыгы өчен гомерләре белән түләгән якташларыбыз истәлеген бер минутка тынлык белән хөрмәтләде һәм Бөек Ватан сугышында һәм махсус хәрби операциядә катнашкан райондашлар истәлегенә куелган һәйкәлләргә чәчәкләр салды.