+10 °С
Болытлы
Кыскасы, биредә фәкать уңганнар гына хезмәт сала. Шундыйларның берсе — Салават Гыйльванов хәзер 38 ел инде руль артында. Хуҗалыкта шофер өчен эш беркайчан да бетеп тормый. Салават Әүхәт улы ел дәвамында ал-ял белми, вакыт белән исәпләшми: кышларын ерак аралардан төрле йөк ташый, җәйге айлар аеруча мәшәкатьле. Менә хәзер 33 ел дәвамында ул сенаж салу-базлауда катнаша. Әлбәттә, тырышлар мактала, тормыш-көнкүрешләре дә матур, җитешле. Югары хезмәт күрсәткечләренә ирешкән өчен Салават Әүхәт улы Русия Федерациясенең Мактау грамотасы белән бүләкләнде.