Терлекчелектә эш кайный

 районның авыл хуҗалыгы предприятиеләре агымдагы елда 60 мең тоннага якын сөт савып алганнар, ә көндәлек савым 246 тоннага җитә. Бу хуҗалыкларның килешеп, бердәм эшләве, тармакка ярдәм итү һәм модернизацияләү нәтиҗәсе.  Алдынгы технологияләрне тормышка ашыруның  ачык мисалы – "Герой"авыл хуҗалыгы кооператив-колхозының товарлыклы-сөтчелек  фермасы. Соңгы елларда монда ике сыер абзары һәм заманча «Карусель» саву залы төзелде. Бу агросәнәгать комплексын үстерүгә яңа планка куя торган беренче мөһим проект. Автоматлаштыру системасы һәм сыйфатны контрольдә тоту җитештерүне нәтиҗәлерәк итә. Авыл һәм район өчен мондый объектлар – яңа эш урыннары, тормыш сыйфатын яхшырту һәм иртәгесе көнгә ышаныч уята.