Районыбыз өлкәннәре спорт белән дус яши

Муниципаль район хакимияте башлыгы Реканс Фәнил улы Ямалеев сәламәт яшәү рәвеше алып барган, спорт белән тату булган өлкәннәребез белән шәхсән очрашып, җылы теләкләрен җиткерде һәм физкультура-сәламәтләндерү хезмәтләре алу сертификатларын тапшырды. Балалар һәм яшүсмерләр спорт мәктәбе директоры Луиза Марсель кызы Абдрахманова Башкортстан Республикасында физик культура һәм спорт үсешенә зур өлеш керткәне өчен һәм Башкортстан Республикасының Спорт министрлыгының 100 еллыгын бәйрәм итү уңаеннан республикабызның Спорт министрлыгының Рәхмәт хаты белән бүләкләнде. Бу хакта тулырак гәзитебез битләрендә таныша аласыз.