Тапкырларга уңыш юлдаш

7 октябрьдә Чакмагыш гимназиясенең "Үсеш ноктасы" мәгариф үзәгендә Башкортстан Республикасының атказанган укытучысы Ратмир Фоат улы Камилҗановның якты истәлегенә багышланган шахмат турниры узды. 5-6 сыйныфларда укучы яшь шахматчылар турнирга зур җаваплылык белән карадылар һәм дулкынлануларын җиңеп, җиңүгә омтылдылар. Кызлар арасында турнир нәтиҗәләре буенча 1 урынны 6в сыйныфы укучысы Регина Кунафина, 2 урынны 5д сыйныфы укучысы Азалия Әхмәтова, 3 нче урынны 6а сыйныфы укучысы Раяна Аетбаева алды. Егетләр арасында 1 урынга 5г класс сыйныфыннан Тимур Кунафин, 2 урынга Әскар Әхкәмов, 3 нче урынга 6г сыйныфынан Артур Сафиуллин лаек булды. Турнирда җиңүчеләрне, призерларны котлыйбыз. Яшь шахматчыларыбызга киләчәктә дә уңышлар һәм яңа җиңүләр телибез.