Безнең хоккейчыларыбыз сынатмады

Әлеге истәлекле датага багышлап безнең Чакмагыш районында да бик күп матур чаралар үтә. Аларның чираттагысы өсте ябулы "Чакмагыш-Арена" боз шугалагында узды. Биредә бүген хоккей буенча турнир оештырылды. Боз өстендә безнең Чакмагыш һәм Бүздәк районнары командалары көч сынашты. "Торнадо" (Миртә-Әюп авылы) һәм "Легион" (Бүздәк районы) командалары уенчыларының беренче очрашуы 11:2 исәбе белән безнең митрә-әюплеләр файдасына тәмамланды. "Төнге бүреләр" ("Ночные волки") (Чакмагыш авылы) һәм "Легион" (Бүздәк районы) арасында барган икенче уен нәтиҗәләре буенча да җиңү бәхете 8:2 исәбе белән безнең чакмагышларга елмайды. "Төнге бүреләр белән "Торнадо" арасында барган финал ярышлар 2:1 исәбе белән "Төнге бүреләр"нең җиңүе белән тәмамланды.