Хакимият башлыгы кубогына кем ия булыр?

Өсте ябулы “Чакмагыш-Арена” боз шугалагында барган ярышларда иң көчлеләр –башкалабызның “Салават Юлаев”, “Азаматов мәктәбе”, Нефтекамадан килгән “Торос” һәм безнең “Ястребы” командалары хоккейчылары көч сынаша. Муниципаль район хакимияте башлыгы Реканс Фәнил улы Ямалеев, якташларыбыз – “Салават Юлаев” хоккей клубының генеральный директоры Ринат Рәшит улы Бәширов, Башкортстан Республикасы Дәүләт Җыелышы-Корылтай депутаты, Чакмагыш районы Якташлар җәмгыяте җитәкчесе Фәрит Хөрмәтулла улы Гыйндуллин биредә җыелучы хоккейчыларны сәламләп, иң көчлеләрнең җиңүгә ирешүен теләде. Тәүге уенда боз өстендә “Ястребы” (Чакмагыш) һәм "Азаматов мәктәбе” (Уфа) командалары очрашты. Уен 9:3 исәбе белән безнең “Ястреблар” файдасына тәмамланды.