Шахмат – акыл ярышы

Иске Калмаш урта мәктәбендә «Шах һәм мат» берләшмәсендә шөгыльләнүчеләр арасында спортка һәм сәламәт яшәү рәвешенә багышланган шахмат турниры узды. Анда 5 сыйныф укучылары катнашты. Уенда катнашучылар акыл тизлеге һәм талантлары, хәрәкәтләрне исәпли белүләре, интеллектуаль уенга җитди мөнәсәбәте белән барысын да гаҗәпләндерде.
Ике сәгать дәвамында барган уеннар түбәндәге нәтиҗә белән төгәлләнде:
1 урын – Тимур Тимашев, 2 урын – Рамазан Таһиров, 3 урын – Аяз Гыйльманов.
Кызлар арасында 1 урын – Вика Черепанова, 2 нче урын – Алина Чернова. Җиңүчеләрне һәм призерларны котлыйбыз һәм алга таба да уңышлар телибез.