Безнекеләр сынатмый!

Ярышлар ике яшь категориясе вәкилләре – 15 һәм 18 яшькә кадәрге кызлар өчен оештырылды. Кече төркемдә ике очрашуда да Кытай спортчылары җиңү яулады. Өлкән яшьтәгеләр арасында командалар бертигез һәм мавыктыргыч көрәш күрсәтеп, безнең республика командасы җиңүгә лаек булды. Уенчыларны һәм тренерларны бу искиткеч җиңү белән котлыйбыз! Ә иң мөһиме – Башкортстан җыелма командасының иң яхшы уенчысы – капкачы, Чакмагыш гимназиясенең 9Б сыйныфы укучысы Гөлдәр Гыйлемханованы котлыйбыз. Афәрин, Гөлдәр, син – районыбыз һәм Чакмагыш гимназиясенең горурлыгы!
Сезнең киләчәк казанышларыгыз шулай ук якты һәм истә калырлык булсын. Без районыбыз спортчыларына шул ук рухта шөгыльләнүләрен дәвам итүләрен һәм яңа биеклекләргә ирешүләрен телибез. Талантыгыз, үҗәтлегегез һәм уенга һәвәслегегез олы мактауга лаек. Ә без исә Олимпияда медальләрен көтәбез!
Чара тамашачыларда зур кызыксыну уятты. Спорт сарае трибуналары шыгрым тулы диярлек иде. Мондый спорт бәйгеләрен уздыру халыкара элемтәләрне ныгыта һәм Русия белән Кытай арасында мәдәни аралашуның үсешенә ярдәм итә.

Фотолар “Бәйләнештә” социаль челтәренең “Чакмагыш гимназиясе” төркеме сәхифәсеннән алынды.