XXVIII Спартакиадасының муниципаль этабы узды

Чарага районның барлык 14 мәктәбеннән яшь чаңгычылар җыелды, алар үзләренең чыдамлыкларын, тизлекләрен һәм осталыкларын күрсәттеләр. Салкын һава һәм карлы трасса мавыктыргыч ярышлар өчен идеаль шартлар тудырды. Ярышлар малайлар һәм кызлар арасында ике яшь категориясендә узды, бу һәр катнашучыга үзен тигез шартларда күрсәтергә мөмкинлек бирде. Катнашучылар яшьләренә һәм әзерлек дәрәҗәсенә туры килгән дистанцияләрдә ярыштылар. Тамашачылар һәм педагоглар трассадагы киеренке көрәшне сокланып күзәттеләр. Ярышлар йомгаклары буенча һәр яшь төркемендә җиңүчеләр һәм призерлар билгеләнде: 2014-2015 елларда туган балалар арасында: 1 нче урын - Дәүләтшина Ралина (Имәнлекүл), Шәйхелисламов Ленар (Чакмагышта беренче урта мәктәбе); 2 урын - Әлимгулова Азалия(Аблай), Хафизов Радим (Гимназия); 3 нче урын-Шәрипова Ригина (Тозлукыш), Низаев Ильяс (Аблай). 2012-2013 елларда туган балалар арасында: 1 урын - Богданова Камилла (Гимназия), Нәбиев Артем (Гимназия); 2 место урын -Кудашева Ризана(Иске Калмаш), Гарифуллин Риназ (Аблай); 3 нче урын-Тимофеев Тимур (Калмашбаш), Мөхәммәтҗанова Алия (Чакмагыш беренче урта мәктәбе). Гомумкоманда беренчелеге: 1 урын-Чакмагыш гимназиясе; 2 урын-Имәнлекүл урта мәктәбе; 3 урын-Аблай урта мәктәбе. Иң яхшы чаңгычылар медальләр, грамоталар белән бүләкләнделәр һәм 28 гыйнварда Краснокама районының Николо-березовка авылында узган зона ярышларында районыбыз исеменнән чыгыш ясаячаклар. Оештыручылар катнашучыларның югары әзерлек дәрәҗәсен билгеләп үттеләр һәм спорт чарасында актив катнашулары өчен рәхмәт белдерделәр. Чаңгы ярышлары чын спорт һәм сәламәт яшәү рәвеше бәйрәменә әверелде. Алар районның иң яхшы чаңгычыларын ачыклауда гына түгел, мәктәп укучылары арасында чаңгы спортын популярлаштыруда, шулай ук уку йортлары арасында дуслык мөнәсәбәтләрен ныгытуда да ярдәм итте.