Таләпләр нигезе – кешеләр иминлеген хәстәрләү

Брифингта гадәттәгечә район халкын чирләрдән курчалау мәсьәләләре каралды. Айгөл Рәзил кызы әйтүенчә, коронавирус белән авыручылар саны кимүгә таба бара. Өлкән яшьтәге райондашларыбыз чирләргә аеруча тиз бирелүчән. Шуның өчен, барлык игътибар тәү чиратта аларга юнәлтелгән. Артабан мәгариф бүлеге начальнигы Мәнзүрә Җәүдәт кызы Нәбиева сүз алды. Мәктәпләрдә , балалар бакчаларында Яңа ел бәйрәменә әзерлек бара. Яжа ел бәйрәменә балалар җыр-биюләр, шигырьләр, тамашалар әзерли. Иртәлекләр оештырганда балалар бакчасына әти-әниләрдән бары берсе генә коронавирус белән авырып терелүе турындагы белешмәсе яки, прививка турында QR-коды булса гына керә алачак.