Борычлы чөгендер салаты

Җиде литрга: 4 кг чөгендер, 1,5 кг помидор, 1 кг баллы борыч, 2-3 баш суган, 200 г сарымсак, ярты литр үсемлек мае, 1 стакан аш серкәсе, 1 стакан шикәр комы, 2 аш кашыгы тоз, укроп кирәк.

Чөгендерне иттарткычтан чыгарыгыз, баллы борычны саламлап, помидорны кисәкләп, суганны ярым божралап, сарымсак белән укропны ваклап турагыз.

Туралган чөгендер, борыч, помидор һәм суганны кәстрүлгә салыгыз да, үсемлек мае өстәп, 30-40 минут пешерегез. Аннары шикәр комы, тоз, сарымсак, укроп, аш серкәсе өстәп, кабат 10-15 минут пешереп алыгыз. Салатны кайнар килеш банкаларга тутырып капкачлагыз.

Файдалы булса, постны реакция белән бәяләгез. Югалтмас өчен саклап куегыз.

"Мин - хатын-кыз" каналыннан алынды