Башкортстанда эш атнасы башында җылы булачак

Кыска вакытлы яңгырлар һәм яшенле яңгырлар республиканың төньяк-көнбатышында гына булачак. Җил көньяктан, көньяк-көнбатыштан уртача, урыны белән көчле җил. Һава температурасы 20 — 25 градус, көньяк-көнчыгышта 30 градуска кадәр булачак.

Дүшәмбе, 7 сентябрьдә, кыска вакытлы яңгырлар, урыны белән яшенле яңгырлар, көньякта явым-төшемсез. Җил көньяктан, көньяк-көнчыгыштан. Һава температурасы төнлә 10 — 15 градус, көндез 19 — 24 градус, көньякта 29 градуска кадәр күтәреләчәк.

Сишәмбе, 8 сентябрьдә, урыны белән кыска вакытлы, яшенле яңгырлар булу мөмкин. Җил көньяк-көнбатыштан уртача. Төнлә 9-14 градус, көндез 20-25 градус булачак.

Алдагы көннәрдә бераз яңгыр яварга мөмкин, һава температурасы бераз төшәр.