Серафимов исемендәге «Патриот» паркында мөһим чара үтте

Очрашу алдыннан төбәк җитәкчесе күргәзмәне һәм слетның тематик урыннарын карады. Балалар, аерым алганда, янгын сүндерү һәм коткару техникасы үрнәкләре белән таныша алдылар. Махсус хәрби операция ветераннары Ассоциациясе вәкилләре Руссиянең заманча армия кораллануы турында сөйләделәр. Балалар шулай ук махсус страйкбол-тирда үз мөмкинлекләрен сынап карадылар, авиамодельләштерү, окоп шәмнәре ясау һәм маскировка челтәрләре үрү буенча мастер-классларда катнаштылар, Русия эзләнү хәрәкәте күргәзмәләрендә, Республика Хәрби дан музее экспозицияләрендә булдылар. Кинология хезмәте вәкилләре үзләренең хайван-терапевт этләрен күрсәттеләр. Ә Салават мәгариф һәм һөнәри технологияләр көллияте педагоглары балалар өчен һөнәри юнәлеш бирү буенча чаралар үткәрделәр.

Слетны «Бәхет территориясе» хәйрия фонды республика Мәгариф һәм гаилә, хезмәт һәм халыкны социаль яклау министрлыгы белән берлектә оештырды.

Шулай ук Радий Фәрит улы һәм мәртәбәле кунаклар, спикерлар слетта катнашучыларның сорауларына ачыктан-ачык җавап бирделәр. Чара җанлы аралашу белән дәвам итте. 

Катнашучылар өчен киң программа әзерләнгән иде, ул мастер-класслар, интерактивлар, спорт ярышлары һәм «Партизан авылына» экскурсияне үз эченә алган иде.

Районыбызның “Балачак навигаторлары”  муниципаль координаторы Фирүзә Сакаева, район үзәге мәктәрләре директорлары киңәшчеләре  Гөлнур  Яхина, Илсур Саматов форумда актив катнаштылар. Алар төрле активлыкларда һәм мастер-класслар: «Игелек талисманнары», «Коры душ», “Курчаклар ясау”, "Солдатка хатлар" язуда һәм рәсем ясауда үзләрен сынап карады.