Мәктәп балкып каршылый

Ремонтлау эшләрендә урыннардагы кооперативлар да зур өлеш кертә. “Базы” авыл хуҗалыгы рәисе Вадим Васильевич Соколов авыл киләчәге – яшь буынны үстерүгә зур игътибар бирә. Әле сез фоторәсемдә күргән Юмаш урта мәктәбендә агымдагы җәйдә күп эшләр башкарылды: территориясе төзекләндерелде, капка-коймалар яңартылды, машиналар туктый торган урын тагын да уңайлаштырылды. Хәзер балалар көзге-язгы көннәрдә дә урам юлына чыкмыйча, матур плиталар ябыштырылган тротуардан гына йөри.