Батырлар өлгесе – тиңдәшсез хәзинә

Тыныч вакытта күпме ватандашларыбызның – әле иңнәре дә ныгып җитмәгән 18-19 яшьлек егетләрнең моңарчы күрмәгән-белмәгән таулы-ташлы җирдә канлы бәрелешләрдә туган илләренә тугрылыгын сынаган, сугышчан дусларын югалту ачысы йөрәкләрендә мәңге төзәлмәс яра калдырган, күпме аналарның газиз улларын мәңгелеккә тартып алганафәт ул әфган сугышы!

Ел саен февраль аенда Тайняш мәдәният йортында кайнар нокталарда үзләренең хәрби бурычларын үтәгән авылдашларыбыз белән очрашу уздырабыз. Тайняш авыл җирлегеннән Әфган җирендә 17 егетебез хәрби-интернациональ бурычын үтәгән. Очрашу китапханәдә китап күргәзмәсенә күзәтү белән башланды. Алар хөрмәтенә уздырылган очрашуны Тайняш авыл биләмәсе хакимияте башлыгы Хәлил Рәис улы Исхаков ачып, Әфган сугышы китергән югалтулар турында сөйләде. "Кайнар нокталарда хезмәт иткән авылдашларыбыз туган илләренә тугрылыкларын армия хезмәтендә генә раслап калмадылар. Әфганстанда хез­мәт иткән 4 егетебезнең авы­лыбызда төпләнеп, бәхет­ләрен үз җиребездә табуы, шул җирдә хезмәт салды – аларның туган якка булган мәхәббәтләрен рас­лау­чы тагын бер дәлил", – диде ул. Сугышчы-интернационалчылар солдат хатирәләре белән уртак­лаштылар, армиягә кит­кән көннәрен, бергә хезмәт иткән иптәшләрен искә төшерделәр. Аларның бер­сеннән дә солдат хезмәтеннән зарлану, тормыш авырлыкларына сукрану кебек сүзләр ишетелмәде. Киресенчә, һәр туган көнгә сөенеп, үз авылыбыз, мәктә­бе­без белән горурланып яшәр­гә чакырды алар укучылар­ны. Очрашу концерт номерлары белән аралаштырып алып барды. Гүзәл Хановны.

Очрашу 4 сыйныф кучыларын пионер сафларына алу белән дәвам итте. Патриотик тәрбия бирү максатыннан уздырылган чара укучылар өчен чын тормыш дәресе булды. Әңгәмә чәй табыны артында дәвам итте