Күңелләре изгелектән тулышкан

 Дөньякүләм пандемия барышында алар һәммәсе дә коронавирус чиренә каршы вакцина алдылар һәм күрелгән барлык санитар-эпидемиологик саклану чаралары аркасында бу чирне йоктыручылар бездә күзәтелми. Чирнең аеруча көчәйгән чорында хезмәткәрләре[1]без биредә пациентлар белән бергә берничәшәр тәүлек әйләнәсенә булды һәм хәвефле мәлне бергәләп исән-имин үткәреп җибәрделәр. Бу җәһәттән тәрбияләнүчеләребезне дә, хезмәткәрләребезне дә шәхси саклану чаралары белән тәэмин итүдә Башкортстан Республикасы Дәүләт Җыелышы – Корылтай депутаты, җаваплылыгы чикләнгән “Сихәт” җәмгыяте директоры Ирек Марс улы Усмановның эчкерсез юмарт ярдәме өчен ихлас рәхмәт җиткерәсе килә. Азык-төлек, башка кирәк-яраклар белән дә өзеклек булмады. Даими ярдәмчебез – Башкортстан Республикасы Дәүләт Җыелышы – Корылтай депутаты, җаваплылыгы чикләнгән “Базы” авыл хуҗалыгы предприятиесе” җәмгыятенең генеральный директоры Вадим Васильевич Соколов та безне ихлас хәстәрлегеннән ташламый, тәрбияләнүчеләргә дә, хезмәткәрләргә дә даими игътибар күрсә- теп тора. Аңа да рәхмәтләребез чиксез. “Картлык шатлык булсын” (“Старость в радость”) программасы чикләрендә унсигез тәрбияләнүчебез бушлай күзлекләр белән тәэмин ителде. Юмарт йөрәкле райондашларыбыз – төрле һөнәр ияләре, төрле яшьтәге кешеләр төрле яклап даими ярдәм күрсәтеп торалар. Аларга да бары рәхмәт сүзләре генә җиткерәбез. Район мәдәният йорты хезмәт-кәрләре – бездә даими көтеп алынган кунаклар. Еш кына бирегә килеп, матур концерт номерлары белән сөендереп торалар. Һәр чыгышлары өлкәннәребезнең күңеленә май булып ята, яшәү көче өсти. Аларны һәрчак: “Тагын да килегез, көтәбез”, – дип озатып калалар. Үз чиратыбызда без дә сәхнә осталарыбызга рәхмәт сүзләренә кушылып, ихлас теләкләр юллыйбыз. Юмарт йөрәкле, хәстәрлекле барлык якташларыбызга эшләрендә артабан да уңышлар, бәхет-шатлык, ныклы сәламәтлек һәм иминлек юлдаш булсын.